Në finalen e madhe të “Big Brother 9” do të shkojnë tri çiftet më të votuara, më të forta dhe ata që ditën të ishin realë apo lojtarë të mirë, e që janë Danieli me Fotininë, Olsi me Fiorentinën dhe Lupçja me Katerinën.
Në gjysmëfinale, publiku votoi për të nxjerrë nga shtëpia Ambrën. Ajo, së bashku me Elsamedin, e thanë publikisht që çifti mes tyre ishte i projektuar vetëm për sfidën e “Big Brother”.
“E them këtu përpara publikut dhe përpara të gjithëve. Elsamedi ma ka ofruar këtë gjë dhe unë e kam pranuar”, tha Ambra.
“Kemi qenë të dy me idenë se do të hynim në shtëpinë e Big Brother si çift, do të bëjmë lojën që do të bëjmë, por gjërat nuk shkuan edhe aq mirë”, tha Elsamedi.
Ndërsa Ambra e realizoi dëshirën e saj për një të ardhme të pavarur në Tiranë, për të cilën “Big Brother” BigBrotherAlbaniaVip.com i çeli rrugën drejt karrierës së modelingut.
Eliminimi i dyfishtë përfshiu edhe çiftin mes Musës dhe Donës.
“Publiku ka vendosur se çifti që nuk do të shkojë në finale është Musa dhe Dona”, deklaroi Arbana gjatë transmetimit të drejtpërdrejtë të ‘reality shout’.
Ata janë çifti që e thanë me siguri, se e ndiejnë veten të dashuruar edhe jashtë mureve të shtëpisë së Big Brother.
“Edhe pse dolëm sonte, për ne është superfitore”, tha Dona.
Sa i përket arsyes se përse publiku nxori pikërisht ata, Musa tha se “aty brenda fiton kush bën më shumë lojë”.
“Besoj se ne nuk kemi luajtur asnjëherë me njëri-tjetrin”, tha ai.
Olsi ka pasur një javë ditëlindjeje, por gjatë kësaj jave ai e nxori në pah anën e tij më njerëzore dhe familjare, nga vizita e të atit dhe nipit të vogël në shtëpi.
Gjatë kësaj jave të fundit, tri çiftet do të jenë me buxhet 50 për qind. Tri finalistët kanë edhe pak kohë për t’i treguar publikut se kush vlen të fitojë 10 milionë lekë. Votimi është i hapur, edhe një javë na ndan nga çmimi i madh. /TopChannel/
